|
O-N-Q-Q-B-B-Q 冇見咁耐，講真有D生寶。 頭愕愕上口左船，D靚女擔凳仔ah頭位坐哂係前排，我同肥差坐係後面齋talk，搵食艱難，佢竟然話我豁達。 成班人冇乜勢藝，可憐我果幾張單簿口既明報副刊比人連汁都撈埋，洛陽紙貴，香港人情鬼咁簿，擺到明唔同講法。報紙上面雞也母咁大隻字：「伊拉克在戰爭．香港在戰爭」，不對稱拉埋非典型口黎講，九唔搭八，睇落實在有D唔好意思。如果遠方有戰爭，情人在埋身肉搏，余光中係長沙嶽麓書院做淋雨show，睇倒D妹妹仔香汗淋漓果陣，唔知有冇大發詩興照版煮碗口up
up當秘笈。世紀版篇口野幾有料到，講戰地攝影記者D感受，講到佢地係「收藏痛苦的圖書館」，講到93年得過Pulitzer
Prize，94年自殺果位仁兄，個大名叫做Kevin Carter，幅相裡面有隻大禿鷹等緊爬去救濟中心口既皮包骨黑人細蚊女，睇佢幾時死，咁就幾時開餐，Kevin死前留低一張紙條係咁寫口既：「真的，這世界的痛苦遠遠超過快樂」。 差D唔記得講添，此行係去長洲燒口野食。 一入到觀音灣，睇見阿邱佢地已經紮行馬，唔單只開口左爐，仲開埋壇添，電視機錄影機混音擴音小喇叭大喇叭乜都齊哂，陳昇2003跨年演唱會，唔講唔知，講口左咪當我白痴，跨年演唱會查實開口左π次我都未去過，唸落都愧對昇幫，尤其係聽倒著透視裝口既牛肉英唱《不再讓你孤單》前仲語重心長敢話：「這首歌本來是要寫給我的，後來我沒有把它唱好，新樂園那時候財政不行，所以昇哥把它拿回來自己唱，這首歌養了新樂園好多年；現在新樂園的財政……又陷入危機，所以我又把它拿出來再唱，希望新樂園能多維持好幾年。」乜咁悲……呢首歌我印象都好深，事關我都唱過，我記得某君仲話擔心我唱唔倒添，點知我唱倒，不過做唔倒之嘛！關於男人，講就天下無敵，做就有心無力。Angel無厘頭問起我某君去口左邊，仲話我乜唔係口岩口岩結口左婚咩，我問佢係邊到收番口黎口既西北風，佢話好似阿樂講口既，有冇搞錯！擺明諷刺我口者，不過唔駛佢講我都記得十幾年前，我同angel買口既果張床裖就係比某君訓口架口勒，講下講下，佢仲話我地實係溝通唔倒出事果隻，睇怕晚晚淨係識用身體語言溝通咁話喎……。 行出沙灘打口左個長途電話比大哥，佢仲訓係醫院發緊皮四。唉！希望佢吉人天相啦！D浪湧來湧去，沙沙聲好好聽，希望有朝一日可以同佢係度一齊聽，咁就冇得頂口勒。 昇哥上鏡個樣好似肥口左好多，跨年演唱會真係好誇，encore完都唱足個幾鐘，臨尾係滾石成員哂冷時間，陳昇就愈唱愈high咁款，雙眼發光，中氣十足，睇口黎係比人扑濕口左，休養生息一排既結果，wet少口左係好好多！楊老師同埋阿煜都有出場，皆大歡喜，咁咪好囉！不過阿Von個樣就搞笑D，唔知係咪怕比人搶鏡，抑或怕搶D前輩鏡，實行自己摧殘自己，睇落去成個留口左羊咩鬚染金毛口既Steve
Wonder咁口既look，虐人自虐，如果佢楂埋條皮鞭，都幾SM。呢排話時話都冇乜聽陳昇D口野，幫主聽倒即時表態話佢聽緊鄧麗君，我啋！（樂註：係同一時間，我當然繼續聽緊陳昇啦。）坐係我身邊口既長人Ben唔單止人高，連講D口野都咁高，佢一味係度問我點解D人會上癮，煙癮啦、酒癮啦、白粉癮啦……我同佢講口左好多，但係佢都唔係好滿意咁款。大佬，鬼知咩！我又唔係陳慎芝（註一）。 走去匯豐等某君囉番阿媽口既死亡證，係時候同死鬼老母執骨。一個唔覺意行過第一次識你果條街，果陣時仲係好口靚仔口既我唸，呢個口靚妹搞邊科？後味至知原來你就快三十一枝花，你話我係個好容易self-indulgent口既人，三十如狼四十似虎，卒之我high哂口野。 飲飽食醉之後，大家齊唱昇歌，仲記得二千年綠島夜晚黑，成班人又係咁樣一邊燒野食一邊唱昇歌，果兩晚月光好靚，D人好happy，手纏綁帶口既「豹小子」阿蕭好搞笑，執人地燒完燒剩口既口黎食，仲猛咁同唱緊歌口既我地講話好正，執倒笑三聲，哈哈哈，你精我都精，飲杯竹葉青，問你服未？身穿熱褲口既「闊太」阿玲都唔執輸，第二晚即刻show
quality示範噴血和噴飯口既經典食相，燒雞翼，佢自細鐘意食。記得果陣阿雲仲話我好熟陳昇D歌添，但係講出口黎真係有D難為情，我而家唱昇歌都要睇番歌詞先識唱，好著仲有Ronly撐住。為口左挽回番D記憶，我仲一個人行出沙灘望番轉頭，但係長洲點睇都唔似綠島，冇口黎詩意，人面依舊，桃花全非，霧氣重重仲睇倒香港口既燈火，長洲唔係石鼓洲（註二），唔駛唱鼓聲若響，唔駛諗戒毒抑或戒女。月光成晚流流都唔知去口左邊，登報失蹤尋人睇怕東方西方蘋果香蕉星星月亮大陽X♀※Y☆♂Z都未必受理，以前日日見要生要死又要刀仔咭大脾，而家冇聲冇氣怕且都十九幾個月啦，咪又係咁，老土D講就係此情難再，敢有敢好，如果話係福音戒毒，敢美沙酮咩野味而家我都唔地除囉！衰D講係含乜都冇味！咁都幾好丫，證明斷癮冇手尾跟！ 十年太狗，收皮把啦！再講都噚，盞教埋細路，好著擇界哥冇同我地癲，好醒咁喱埋一二邊同大不列顛D鬼佬傾計，睬你都傻。 番屋企，屋企係邊？未到清明，長洲拜拜。 差利卓別靈 二○○三年三月廿九號又一個星期六口既晚黑搭正兩點鐘 註一：之前揩粉劈友番番齊，而家冇做大佬好耐口既福音戒毒傳道人。 註二：香港用口黎比D道友戒毒口既一個島仔，就係長洲碼頭望出去果個。
|